Të tjera detaje kanë dalë në dritë për këngëtarin R. Kelly. Së fundmi, një tjetër anë e “errët” e tij është zbuluar.
Kujtojmë që ai u dënua me 30 vite burg pasi u shpall fajtor për trafik seksual dhe shantazh.
Këngëtari përballet me disa akuza: krijimin dhe marrjen e pornografisë së fëmijëve, pengimin e drejtësisë dhe joshjen e të miturve në aktivitet seksual.
Prokurorët bëjnë me dije se posedojnë një kasetë seksuale të R.Kelly kur ishte 31 vjec dhe një vajze të quajtur Jane kur ishte 13 ose 14 vjeçe.
Pas dënimit me 30 vite burg të R. Kelly për shantazh dhe trafik seksual, viktimat e këngëtarit të R&B folën hapur
Duke folur me Los Angeles Times, një viktimë e quajtur Sonja, mbiemri i së cilës nuk u publikua për të mbrojtur privatësinë e saj, tha se dënimi ishte “i duhuri” për krimet e Kelly-t, të cilat përfshinin mbylljen e saj në një dhomë hoteli për ditë të tëra. Ajo tha se ai e ka dhunuar atë.
“Tridhjetë vite janë të duhura për mendimin tim,” i tha ajo gazetës.
“Unë mezi e kam pritur këtë gjë”, tha ajo. “Jam shumë e kënaqur me dënimin. Shumë e lumtur.”
Sonja tha se sulmi ndodhi në të 20-at e saj të hershme. Ajo tha se ishte joshur me premtimin për një intervistë me këngëtarin – emri i vërtetë i të cilit është Robert Sylvester Kelly – ndërsa bënte një praktikë në një radio në Utah.
“Para se të largohesha nga Chicago, më thanë të mos merresha me Kelly dhe se nuk duhej t’i tregoja askujt,” tha Sonja, sipas Times.
