Këto kohë, gjithandej ka vetëm Meghan Markle- princi Harry- Archie.
Por, 8 vite më parë, çifti më i komentuar i momentit ishin princi William dhe e fejuara e tij, Kate Middleton.
Jo se tani nuk janë në qendër të vëmendjes, të mos keqkuptohemi. Por fillimet e jetës së tyre publike si çift kanë qenë goxha turbulente, me ndarje e ribashkime; atyre iu deshën plot 7 vite derisa ta ndanin mendjen.
Fejesa u shpall në nëntor të 2010-ës.
Pas 8 vitesh martesë dhe tre fëmijëve, biografia e Kate Middleton dhe autorja e librit “Kate: Mbretëresha e Ardhshme”, Katie Nicholl, zbulon se arsyeja e vërtetë përse princi William ngurroi t’i propozonte vajzës që i kishte marrë zemrën, ishte sepse donte që ajo të kishte kohë të vendoste në ishte apo jo gati për jetën mbretërore.
“Divorci kishte patur ndikim afatgjatë tek familja mbretërore”, shkruan ajo, “Që nga abdikimi i Edward-it VIII në 1936-ën që thuajse e shkatërroi monarkinë, tek divorcet më të vona si ai mes Diana-s dhe Charles-it, po kështu edhe mes princit Andrew dhe Sarah Ferguson-it, martesat e palumtura kishin qenë një kërcënim serioz për një mbretëri me themele të hekurta.
Para se t’i kërkonte të martoheshin, William donte të ishte i sigurt se Kate e donte me të vërtetë këtë gjë.
Duke jetuar bashkë, Kate mund të vendoste nëse ishte apo jo e sigurt.”
Është e qartë se Kate u tregua mëse e sigurt. Ata u martuan në prill të 2011-ës.
Më 22 korrik të 2013-ës, erdhi në jetë fëmija i tyre i parë, princi George.
