Këngëtarja e njohur e “Spice Girls”, Emma Bunton ka zbuluar se është martuar në fshehtësi të plotë me partnerin e saj, Jade Jones. Këtë lajm të bukur ajo e ndau në rrjete sociale ku publikoi foto veshur me një fustan të bardhë të shkurtër teksa pozonte krah bashkëshortit.
Kujtojmë se Emma dhe Jade janë bashkë prej më shumë se 20 vitesh dhe ylli i grupit të famshëm njoftoi fejesën në vitin 2011. Ata kanë dy djem, Beau, 13 vjeç dhe Tate, 10 vjeç. Gjatë një interviste të dhënë më parë, këngëtarja pati konfirmuar dasmën private.
Përsa i përket grupit “Spice Girls”, ato po mendojnë për një vazhdim të filmit të tyre të vitit 1997, Spice World. Grupi me famë botërore që u nda në vitin 2000, flitet se i është drejtuar një skenaristi të njohur për filmin e dytë për të shënuar 25 vjetorin.
Melanie C, Emma Bunton dhe Mel B kanë rënë dakort ndërsa po shpresojnë shumë që dhe Victoria Beckham të bëhet pjesë, pasi refuzoi ribashkimin në turneun e tyre të fundit.
“Është ende në fazat e hershme por ata po flasin me emra në biznes, gjë që dëshmon se e kanë marrë seriozisht rikthimin në ekranin e madh”, tha një burim i afërt për “The Sun”.
/iconstyle.al
