Kryeministri i Kosovës, Ramush Haradinaj ka mbajtur premtimin e bërë ndaj këngëtares Leonora Jakupi, për të sjellë eshtrat e babait të saj në vendlindje.
Lajmin e mirë e ka bërë të ditur vetë Leonora nëpërmjet një postimi në Instagram, ku fton të gjithë të afërmit të marrin pjesë në ceremoninë e rivarrimit të Dëshmorëve të Kombit, Kolonel Ahmet Krasniqi dhe Jakup Krasniqi.
“Të dashur familjar, miq dhe dashamirë, më 21.09.2018 pas 20 viteve pritje do të prehet i qetë në Kosovën e lirë babi im së bashku me mikun dhe bashkëluftëtarin e tij Kol. Ahmet Krasniqi. Në pamundësi t’ju dërgoj ftesa të gjithëve po e shfrytëzoj këtë mundësi t’ju ftoj të gjithëve! Ardhja jua na nderon”!
Varrimi në vendlindje ka qenë një amanet që ka lënë babai i këngëtares, i cili u nda nga jeta gjatë luftës në Kosovë.
