Javën e kaluar ishte 20- vjetori i albumit ikonik “Play” të Moby-t. Me këtë rast, artisti i hitit të çdo reklame uji që mund ta kujtoni ndryshe me refrenin “Eehee- Oha!”, publikoi një libër me kujtime të titulluar “Porcelain”- pra si kënga e tij më e famshme.
Në këtë libër kujtimesh rrëfehet suksesi i albumit që mbetet ende sot shoqëruesi më i paparë i rrugëtimeve të gjata, ama ka edhe plot showbiz.
Sherri me Eminem-in; marrëdhënia me aktoren Natalie Portman si edhe lidhja me Lana Del Rey-n kur ajo s’ishte akoma e famshme dhe po kërkonte suksesin me emrin e vet, Lizzy Grant.
Ky rrëfim u erdhi surprizë mediave rozë, për faktin se asnjëherë kjo histori nuk është treguar.
Ata u njohën në 2006-ën dhe patën disa takime por, siç tregon Moby, Lana- të cilën asokohe e njihte si Lizzy- e kishte vërtet problem faktin se ai shikonte edhe njerëz të tjerë.
Madje, ajo sapo kishte dalë nga rehabilitimi për shkak të alkoolizmit, dhe nuk kishte pranuar që ai t’i ofronte një pije.
“Ajo ishte e bukur, e zgjuar dhe plot sharm. Ta takoja prapë ishte çfarë doja vërtet të bëja por edhe çfarë terapisti më këshillonte.”
“Ajo më puthi dhe pastaj ndaloi. E pyeta se çfarë kishte që nuk shkonte dhe m’u përgjigj: “Ti më pëlqen, por kam dëgjuar që e bën këtë me shumë njerëz.”
“E shoqërova tek ashensori dhe i dhashë një puthje. Nuk e kisha imagjinuar se nata do të mbaronte kështu. E kisha marrë të mirëqenë se do të kalonim natën në apartamentin tim me vodka dhe seks. Por, për çudinë time, kështu ishte vërtet këndshëm për mua.”
