Presidenti i mundshëm i Shteteve të Bashkuara të Amerikës ka pranuar më në fund që dikush t’i prishë modelin e tij të flokëve në transmetim të drejtpërdrejtë.
Donald Trump ishte i ftuar në emisionin e Jimmy Fallon, i cili u bë i vetmi prezantues amerikan që ka mundur të prekë dhe jo vetëm kaq, flokët e verdhë të Donald Trump.
Kandidati presidencial pranoi të dëgjonte kërkesën e Fallon, i cili mes duartrokitjeve të shumta të publikut i kërkoi Trump-it që t’i prishte modelin e flokëve.
“Mund ta bësh, por shpresoj që njerëzit që më presin në mitingun në New Hampshire ta kuptojnë këtë”, deklaroi miliarderi.
Moderatori nuk pyeti për herë të dytë dhe menjëherë zgjati dorën dhe ngatërroi flokët e Trump, të cilat shpesh herë kanë qenë në qendër të vëmendjes mbase edhe më shumë se oferta e tij politike.
Si përfundim, flokët e Trump-it nuk ranë, por u ngatërruan aq shumë sa që republikani e kishte shumë të vështirë që t’i kthente ato në gjendjen e mëparshme.
