Ajo është e njohur për personalitetin e saj të sinqertë, të çuditshëm dhe të drejtpërdrejtë nga postimet që bën në rrjetet sociale.
Dhe Chrissy Teigen nuk na zhgënjeu me postimin e bërë së fundi në Instagram, ku tregonte surprizën që kishte marrë në përvjetorin e saj të martesës.
Gjashtë vite pas martesës, ajo publikoi një pamje ku dukej tepër e mërzitur ndërsa ishte ulur pranë burrit të saj John Legend, në Paris.
Modelja e Sports Illustrated, 33 vjeç, vazhdoi të tallej me bashkëshortin i cili i kishte dërguar asaj një buqetë lulesh mahnitëse.
“Çfarë dreqin duhet të bëj me këtë?”, shkruante Teigen referuar luleve.
I ulur pranë buqetës, John, i cili ka dy fëmijë me partneren, Luna dhe Miles, shihej i mendueshëm me duart në kokë.
Me siguri kjo ishte një pjesë teatrale e luajtur me mjeshtëri nga këngëtari, i cili është mësuar tashmë me shakatë pa kripë të bashkëshortes.
