Parlamenti i Kanadasë ka shpallur nëntorin si ‘Muajin e Trashëgimisë Shqiptare’ në të gjithë Kanadanë. Propozimi u bë nga deputeti liberal Yvan Baker me mbështetjen e deputetes liberale (Toronti-Danforth) Julie Dabrusin.
Në fjalën e tij, Baker tha se ky vendim do t’u japë mundësinë shqiptarëve që të njihen për arritjet dhe kontributin e tyre në të gjitha aspektet e jetës në Kanada.
“Shpresoj që të gjithë anëtarët e Parlamentit ta mbështesin këtë ligj. Kanadaja është shtëpia e shumë shqiptarëve, kontributi i tyre është i shpërndarë në çdo anë të vendit, në shumë fusha, ekonomi, art kulturë etj.
Dhe ky ligj, nëse miratohet do të na japë mundësi për të kremtuar muajin e trashëgimisë shqiptare, do të na japë një mundësi për të kremtuar kontributin e shqiptarëve dhe do t’u jepte shqiptaro-kanadezëve një tjetër shans për të thënë “Jam krenar që jam shqiptar”, tha deputeti liberal Yvan Baker.
Stating that it would provide another chance for Albanian Canadians & all Canadians to say “Jam krenar qe jam shqiptar” (I am proud to be Albanian), 🇨🇦 MP Baker introduces the Albanian Heritage Month Act.
The bill designates November as Albanian Heritage Month annually in 🇨🇦. pic.twitter.com/Zh9urMrMpw
— Admirim (@admirim) November 4, 2023
Deri në miratim ky ligj do të duhet të kalojë në disa lexime dhe debate dhe në fund njihet si i vlefshëm edhe nga Guvernatori.
Procesi është i ngjashëm me atë të Ligjit të Trashëgimisë Shqiptare në Ontario, i cili është në fuqi qysh prej 8 dhjetorit 2016.
