Mundësi që përfaqëson Shqipërinë në Lojërat Olimpike në Paris, Islam Dudaev edhe pse nuk mundi të kalojë në gjysmëfinale, ka sërish një tjetër shans për të marrë medalje. E gjitha kjo ndodhi pas fitores së mundësit nga Irani, Rahman Amouzadkhalili në gjysmëfinalen ndaj hungarezit Musukaev.
Tashmë Dudaev do të duhet të fitojë 2 ndeshje për të marr medaljen e bronzit. Përfaqësuesi i Shqipërisë do të zbresë në tapet nesër në orën 11:10 dhe përballë do të ketë rivalin e SHBA-së, Zain Allen Retherford.
Kujtojmë se Federata Shqiptare e Mundjes akuzoi se mundësit që përfaqëson Shqipërinë në Lojërat Olimpike, Chermen Veliev, iu vodh fitorja në çerekfinale. Kjo pasi sipas Federatës, Valiev ishte dominues gjatë gjithë kohës ndaj mundësit nga Uzbeikstani, Zhamalov.
Akuzat janë ndaj gjyqtarëve të ndeshjes, që vendosën në fund për rezultatin 6-5 në favor të kundërshtarit të Valiev. Por, pavarësisht rezultatit, Federata Shqiptare pretendon se ka pasur shkelje të hapura dhe vendime të padrejta në këtë ndeshje, të cilat e kanë penalizuar Valievin.
