Njollat kafe në lëkurë shfaqen edhe si pasoja e ekspozimit në diell, por jo vetëm… Nëse këto njolla shfaqen vështirë për se mund të eliminohen, por mund të bëni një zbehje e tyre duke mos shpezuar shumë vetëm me anë të disa kurave të vogla. Shumë njerëz besojnë se këto njolla shkaktohen vetëm nga dielli. Sipas dermatologëve njollat në lëkurë mund të lidhen edhe me përsëritjen natyrale të procesit të ripërtëritjes së qelizave të epidermës.
Dielli mund të ndikojë negativisht, por jo se është i vetmi shkaktar që krijon njollat në lëkurë. Natyrisht në formimin e tyre mund të ndikojë në mënyrë të tërthortë edhe “ekspozimi në mënyrë të gabuar” në diell përgjatë gjithë jetës. Një shkak tjetër i shfaqjes së njollave të errëta në lëkurë vjen nga keqfunksionimi hormonal, në raste të tjera kjo mund të lidhet edhe me përdorimin e kremërave dhe parfumeve jo të përshtatshme në diell.
Përpara se të nisni një vit tjetër ekspozimi në diell është e rëndësishme që të zbehni njollat kafe ekzistuese në lëkurë ose më mirë t’i eliminoni këto njolla, derisa me nxirjen e radhës të mos bëhen edhe më të dukshme. Kurimi i njollave nga dielli është një problem të cilit i duhet kushtuar shumë vëmendje, sidomos nëse e keni lëkurën e bardhë, nëse ato janë shumë të dukshme. Ndërkohë nëse kujdesi është lënë pas dore për një kohë të gjatë, pasojat mund të jenë edhe më të mëdha. Gjëja e parë që duhet të bëni në shtëpi është skrabi (pastrues). Aplikojeni minimumi një herë në javë, për të hequr të paktën pjesën sipërfaqësore të njollave kafe. E rëndësishme për kurimin e njollave gjatë ekspozimit në diell, si në det ashtu edhe gjatë xhirove në qytet, është aplikimi i kremit specifik hidratues me vitaminë C ose me luleshtrydhe. Më pas përdorni kremin klasik kundër diellit, në mënyrë që t’i krijoni lëkurës kushtin e favorshëm për t’u nxirë në mënyrë normale. Fytyra, dekolteja dhe duart janë vendet më të goditura nga dielli. Pra atyre u duhet kushtuar një vëmendje më e madhe nga ana juaj gjatë procesit të përhapjes së kremit kundër rrezeve të dëmshme diellore. Mbrojeni gjithmonë dhe në mënyrën e duhur lëkurën përpara se ta ekspozoni në diell duke bërë kujdes në zgjedhjen e produkteve cilësore. Konsultohuni edhe me dermatologen tuaj.
