Robertina Mataj dhe Ardi Dina janë një çift të dashuruarish nga Gjakova.
Në një intervistë për “T7” çifti rrëfen njohjen e tyre dhe paragjykimet familjare për shkak se i përkasin feve të ndryshme. Robertina është katolike, ndërsa Arti është musliman.
Robertina jetonte në Zvicër, por ata janë njohur në Kosovë, në vendin e punës së Artit.
“Unë punoja në lokal dhe Robertina u çua për të shkuar në tualet, aty e pashë dhe ju afrova. Nga aty filluam njohjen”,- tha Arti.
Nga ana tjetër, Robertinës, i tërhoqi vëmendjen stili i Ardit dhe i pëlqeu mënyra se si qeshte.
Rrugëtimi i tyre nuk ka qenë shumë i lehtë, për shkak të fesë.
“Babi e ka pas të vështirë, se nga familja e tij nuk janë mësuar me përzierje dhe ishte pak e çuditshme. E kanë pas shumë të vështirë në fillim familjarët e mi, kjo dhe për shkak se nuk e njihnin fare familjen e Ardit. Ka kaluar pak kohë derisa u pajtuan me faktin. Ama familja e Ardit më kanë pritur shumë mirë.”
Momenti më i vështirë i 26 vjeçares ishte i takimit të babait të saj me Ardit.
“Babi është natyrë e urtë, gjithashtu dhe Ardi, por e kisha shumë me frikë për punën e fesë sesi do reagonte, por gjërat shkuan mirë, u eci muhabeti. Mendoja mos do ndaheshim, më shkonte mendja për më të keqen.”
Familja e Ardit nuk e shihte si problem lidhjen e tyre dhe Robertina jep 1 mesazh se të gjithë duhet ta vendosin vet.
“Duhet vendosur vet çdo gjë duhet lënë në dëshirën e fëmijës.”
