Emeli Sande ka dhënë një intervistë ekskluzive për “Pop Culture”, para fillimit të koncertit, ku dhe ka folur për emocionet e ardhjes në Shqipëri, por edhe bashkëpunimet e saj me emra ndërkombëtarë.
Me rastin e “Natës së Bardhë”, Emeli Sande, performoi disa prej hiteve më të mira, në koncertin e zhvilluar të mërkurën në sheshin “Skënderbej”, ndërsa nuk mungoi edhe përshëndetja me shenjën simbolike shqiptare, shqiponjën.
“Është hera e parë që shkel në Shqipëri”, ka thënë ajo, ndërsa është shprehur e kënaqur për ftesën në atë ditë. Pyetur nga moderatori mbi Dua Lipën, Sande ka pasur asgjë më tepër përveç komenteve pozitive. “E njoh Duan, kemi qenë së bashku në një tur në verë. Është e adhurueshme”, është shprehur këngëtarja, duke thënë më tej se i pëlqen shumë kënga “New Rules”.
A do të pranonte Emeli Sande bashkëpunimin me një nga koleget me origjinë shqiptare? “Natyrisht që po. Ato janë të talentuara dhe të veçanta, thjesht duhet gjetur momenti i duhur. Kaq mjafton që dy vajza të këndojnë bashkë”, ka vijuar edhe më tej Sande. Epo, të kryqëzojmë gishtat!
