Modeli i flokëve të shkurtër “bob” është ndër trendet e momentit. Por moderatorja Nevina Shtylla tregoi se, në fakt e ka përqafuar këtë trend rreth 3 vite më parë, para se të vinte në modë.
Ajo postoi një voto nga arkiva në Insta Story, ndërsa bëri krahasimin mes modelit të saj të flokëve dhe të Dua Lipës.
“2016, para se Dua Lipa të ma kopjonte modelin e flokëve”, shkruan Nevina, të shoqëruar me disa emoji që japin idenë se është thjesht një shaka.
Më pas ajo i drejtohet me një pyetje ndjekësve nëse duhet t’i presë tani flokët, apo ta provojë këtë model pas tre vitesh, kur të ketë dalë nga moda.
Në fakt stili “bob” është përhapur me shpejtësi muajt e fundit, pasi shumë nga femrat e njohura të ekranit shqiptar, si Dafina Zeqiri, Jonida Maliqi, Adrola Dushi, etj., që eksperimentuan duke shkurtuar flokët.
