Rikthehen reshjet e shiut dhe erërat e forta këtë fundjavë!
Nëse keni vendosur të shkoni në plazh bëni kujdes pasi zonat bregdetare pritet të përfshihen nga reshjet e shiut.
Sipas parashikimit, në zonat veriore dhe në Shqipërinë Qëndrore priten reshje në formën e shtrëngatës.
Parashikimi i motit sipas Institutit të Gjeoshkencës:
RESHJET
Sot (e shtunë, dt.03), në përgjithësi, priten reshje të dobëta (siç tregohet në tabelë, respektivisht për secilin qark).
Në zona të kufizuara të qarqeve mund të shfaqen reshje në formën e shtrëngatës, por më të mundshme në qarqet e veriut dhe në qendër, sidomos në zonat malore (dhe ato pranë tyre).
TEMPERATURAT
Sot (e shtunë, dt.03) temperaturat minimale dhe maksimale të ajrit pritet të arrijnë:
në bregdet: 22 / 31 °C
në vendet e ulëta: 24 / 34 °C
në vendet malore: 17 / 32 °C.
ERA
Sot (e shtunë, dt.03) era do të vazhdojë të fryjë e lehtë, por deri mesatare gjatë pasditeve (për momente të shkurtra deri e fortë), sidomos në bregdet.
