Angela Martini është një nga modelet dhe ish – Miss-et më të njohura shqiptare, e cila në vitin 2010 përfaqësoi Shqipërinë në spektaklin e bukurisë “Miss Universe”.
32- vjeçarja prej disa vitesh jeton në SHBA ku ka zhvilluar më tej edhe karrierën e modelingut.
Pavarësisht se ajo e ka nisur rrugën drejt modelingut në moshë të re, mbase shumë nga ju nuk e dinë si dukej ajo e vogël. Por vetë modelja ka treguar në Insta Story disa foto nga adoleshenca dhe fëmijëria e saj.
Fotoja e parë që ajo ka postuar është në moshën 11-vjeçare, më pas ka vijuar me foto kur ishte 14 vjeçe dhe e ka mbyllur me një foto kur ishte vetëm 1 vjeçe dhe dukej një fëmijë i shëndetshëm.
Pas këtyre postimeve ajo vërtetoi se për të kanë ndryshuar vetëm vitet, ajo ka qënë një vajzë e ëmbël dhe duket qartë se ishte e prirur për të qënë modele, pasi pozat flasin vetë.
