Ish-banorja e Big Brother, Xhensila Pere, ka rrëfyer sekretin e saj për të dalë bukur në foto para se të kryente operacionin në hundë.
E ftur te “Rudina”, Xhensila u shpreh se kishte filluar të mësonte trukun për t’i orientuar fotografët vetëm në një profil – atë që nuk ia tregonte defektin.
Ajo tregoi se kishte vite që e mendonte ndërhyrjen dhe megjithëse kishte frikë, e mori vendimin më në fund.
Siç rrëfeu ajo sot, ky ishte gabimi që nuk bëri para se të kryente ndërhyrjen: “Gabimi që nuk kam bërë para ndërhyrjes në hundë ishte që nuk kam marrë foton e dikujt tjetër për t’ia treguar mjkut. Madje, me të qeshur, i kam kërkuar “të lutem mos më ndrysho atë stil. Dua të jem e njëjta Xhensilë, vetëm me një hundë perfekte”, tha modelja sipas “Class”.
Xhensila u shpreh se është e kënaqur me rezultatin dhe se tashmë nuk ruhet për profilin e fotove si dikur, por, ç’është më e rëndësishmja, as nuk e fsheh këtë para publikut të saj:
“Më duket fyerje inteligjence ta fsheh para publikut këtë gjë. S’mund ta bësh përpara publikut që të njeh dhe të ka mbështetur për të qenë aty ku je”, – tha Xhensila duke theksuar se tani ndihet shumë mirë me veten.
