Papa Françesku i ka kërkuar Moskës dhe Kievit që të mbajnë një armëpushim të Pashkëve në Ukrainë, duke çuar në negociata drejt paqes së qëndrueshme.
“Lërini armët poshtë! Le të fillojë një armëpushim i Pashkëve. Por jo për të riarmatosur dhe rifilluar luftimet, por një armëpushim për të arritur paqen përmes negociatave reale,” tha ai në fund të një shërbimi të së dielës, për dhjetëra mijëra njerëz në sheshin e Shën Pjetrit, në qytetin e Vatikanit.
Bisedimet e paqes janë zhvilluar në Bjellorusi dhe Turqi por deri më tani, delegacionet nuk kanë arritur të bien dakord për një armëpushim dhe ende nuk dihet cili është vendimi që palët do të marrin.
Presidenti i Ukrainës Volodymir Zelensky ka patur një telefonatë ditën e sotme me kancelarin gjerman Olaf Scholz, ku diskutuan mundësinë e sanksioneve shtesë anti-ruse, si dhe mbështetjes dhe mbrojtjes financiare të Ukrainës.
Zelensky e shpërndau në rrjete sociale njoftimin ku tha se diskutimi i tyre theksoi se të gjithë autorët e krimeve të luftës duhet të identifikohen dhe dënohen.
Zyra e Zelenskyt njoftoi nga nga tjetër në një deklaratë se presidenti kishte mbajtur një telefonatë konferencë me zyrtarët ukrainas gjatë së cilës ishin zhvilluar propozimet e Kievit për një paketë të gjashtë të sanksioneve të Bashkimit Evropian.
