Ditën e sotme, pushuesit të Gjirit të Lalzit janë përfshirë nga paniku pasi një shtëpi dhe disa makina rreth saj janë përfshirë nga flakët.
“Report Tv” ka publikuar pamjet e tymit të zi i cili është përhapur në qiell, ndërkohë që zjarrfikësja dhe policia kanë mbërritur në vendin e ngjarjes.
Sipas të dhënave paraprake nga policia, zjarri ka rënë në një prej kabinave të pushuesve, megjithatë ende nuk dihen shkaqet.
Për fat të mirë, përveç dëmeve materiale nuk ka pasur të lënduar. Pritet ende që policia të zbardhë ngjarjen.
