Një avion i linjës Stutgartt-Prishtinë është detyruar të bëjë ulje të detyruar në Slloveni ditën e sotme, pasi një pjesë e tij ka marrë flakë duke rrezikuar jetën e pasagjerëve dhe ekuipazhit.
Në bord, mësohet se ndodheshin kryesisht pasagjerë nga Kosova.
Siç shihet në foto, nga avioni del tym i zi dhe mësohet se i vetmi që ka pësuar lëndime është piloti.
Ende nuk është bërë e ditur se çfarë i ka shkaktuar flakët në avion, ndërkohë që avioni pritej të mbërrinte në orën 16:40 në Prishtinë.
Sakaq, aeroporti “Adem Jashari” nuk e ka komentuar ngjarjen me argumentimin se problemi nuk ka ndodhur në ambientet e këtij aeroporti.
Burimi: Gazeta Express
