Rektori i Universitetit të Mjekësisë, Arben Gjata, ka publikuar vendimin e ri më së fundmi për studentët e mjekësisë, i cili lidhet me shtyrjen e sezonit të provimeve të këtij semestri, për shkak të pandemisë së covid-19.
Ky vendim i Universitetit të Mjekësisë, vjen pas vendimit të protokolluar të vetëm tre ditëve më parë në lidhje me kohëzgjatjen e pushimeve zyrtare të fundvitit për studentët dhe administratën e këtij universiteti.
Sipas vendimit të sotëm, për shkak të situatës nga covid-19, këshilli akademik ka vendosur që të bëhet një sezon i përbashkët gjatë verës, pra në muajin korrik, edhe për provimet e këtij semestri.
Duke patur parasysh volumin e jashtëzakonshëm të lëndëve në degët e mjekësisë, ky vendim nuk është pritur edhe aq mirë nga studentët e këtij univiersiteti. Shtyrja e provimeve të këtij semestri në një sezon të përbashkët me provimet e semestrit të dytë në korrik, bën që studentët të “torturohen” me një volum të jashtëzsakonshëm lëndësh që vështirë se mund t’i përballojnë.
Ende nuk ka patur reagime nga fakultetet apo universitetet e tjera shtetërore në Tiranë dhe në qytete të tjera universitare, por pritet nëse këto institucione publike të Arsimit të Lartë për shkak të kushteve nga pandemia do ta “kopjojnë” vendimin e Universitetit të Mjekësisë apo jo!/Iconstyle.al/
