Pamjet tronditëse: I luten mes ulërimave që të ndalojë, burri rreh barbarisht gruan në sy të fëmijëve

Dhuna në familje është një nga fenomenet më të shëmtuara në shoqërinë shqiptare.

Në një pjesë të mirë rasteve, skenat e dhunës regjistrohen në sy të fëmijëve, duke lënë gjurmë të pashlyeshme.

Ditën e sotme emisioni “Me zemër të hapur” në “News24”, ka transmetuar pamjet dramatike të dy fëmijëve, që ulërasin dhe i kërkojnë babait të ndalojë dhunën ndaj nënës.

Ngjarja ka ndodhur në banesën e familjes, në zonën e Alliasit në kryeqytet.

Protagoniste në këtë histori është një 31-vjeçare me probleme mendore, nënë e tre fëmijëve, e cila prej vitesh dhunohej nga burri i saj me aftësi të kufizuara.

Në pamjet e transmetuara gjatë emisionit, shihet sesi burri godet gruan, ndërsa në mesin e tyre ndodhet edhe vjehrra.

Për të rrëfyer historinë në studion e emisionit ishte e pranishme nëna e 31-vjeçares, Hanke Pirra.

Ajo ka akuzuar vjehrrën e vajzës së saj si shkaktare të dhunës.

/Gazeta Reforma