Vetëm pak orë na ndajnë nga nata e shumëpritur ku dy shqiptarët do të ngjiten në skenën e “Eurovizion”.
Eugent Bushpepa do të përfaqësojë Shqipërinë me këngën “Mall”, ndërsa shqiptarja tjetër Eleni Fourera, e cila përfaqëson Qipron do të prezantohet sot me këngën “Fuego”.
Por çfarë thonë sondazhet vetëm pak orë para natës së parë gjysmë-finale?
Sipas sondazheve të realizuara nga “Wiwibloggs”, në krye të listës deri më tani është Eleni, ndërsa Eugenti është klasifikuar i pesti duke lënë pas edhe Bullgarinë dhe Greqinë.
Pritshmëritë e shqiptarëve këtë vit janë të larta, jo vetëm duke pasur parasysh cilësitë vokale të larta të Gentit, por edhe të dhënat e sondazheve të cilat janë shumë premtuese.
