Sot amerikanët mirëpresin një president të ri në Shtëpinë e Bardhë. Muajt e fundit janë shoqëruar me raste tensionesh dhe dhune, sepse shumë amerikanë e kanë të pamundur të pranojnë fitoren e presidentit të zgjedhur Joe Biden.
Joe Biden, ka vendosur që në inagurimin e tij të marrin pjesë më pak persona , duke shmangur kështu traditat, në mënyrë që njerëzit të ndjehen të sigurt mes pandemisë që ka vrarë më shumë se 399,000 njerëz në SHBA. Biden u ka bërë thirrje amerikanëve që të qëndrojnë në shtëpi gjatë përurimit për të shmangur rrezikun e përhapjes së koronavirusit dhe në vend të kësaj të bashkohen në festë virtualisht.
Trump ka thënë se nuk do të marrë pjesë në inaugurim, duke thyer traditën ndërsa nënpresidenti Mike Pence ka vendosur të marrë pjesë. Inaugurimet e Presidentit zakonisht ndiqen nga qindra personalitete përfshirë ish-presidentë, gjykatës të Gjykatës së Lartë dhe anëtarë të Kongresit, ndërsa mijëra spektatorë mblidhen nëpër Qendrën Kombëtare për të parë ceremonitë.
Tema e inaugurimit të këtij viti është “Amerika e Bashkuar”, me qëllim “shërimin” dhe “bashkimin e vendit”. Viktimat e Covid-19 u nderuan para inagurimit, në një ceremoni pranë Lincoln Memorial. Biden përkujtoi më shumë se 400,000 amerikanë që ndërruan jetë nga Covid-19, teksa shoqërohej nga bashkëshortja, Jill, Kamala Harris dhe bashkëshorti Doug Emhoff.
View this post on Instagram
Washingtoni po përgatitet për mundësinë e protestave të dhunshëm që mund të ndodhin në kryeqytet për përurimin e Biden. Stacionet e metrove nëpër qytet do të mbyllen dhe anëtarët e Gardës Kombëtare do të vendosen pranë Capitolit. Rreth 25,000 anëtarë të Gardës Kombëtare do të jenë të pranishëm në Washington DC për ceremoninë, me Pentagonin që ka verifikuar anëtarët për çdo lidhje me ekstremistët.
Inagurimi do të mbulohet nga të gjitha rrjetet kryesore televizive amerikane, duke përfshirë CNN, MSNBC, CNBC dhe Fox News. Kanalet ABC, CBS, NBC, PBS. Sling , FuboTV , Hulu Live TV dhe CBS All Access do të transmetojnë drejtpërdrejt ngjarje inaugurimi. Për më tepër, transmetimet e drejtpërdrejta të inaugurimit do të jenë në dispozicion në: Webfaqja zyrtare e inaugurimit (përmes BidenInaugural.org/watch ), YouTube, Facebook, Twitter, Microsoft Bing, Twitch.
Inagurimi do të nisë me ceremoninë e madhe të betimit, më pas homazhet në Varrezat Kombëtare të Arlington, ku do të vendosin një kurorë lulesh në Varrin e Ushtarit të Panjohur. Më pas, shërbimi virtual i i lutjeve inauguruese presidenciale, ku Presidentit i zgjedhur Biden do të fillojë me një Shërbesë Lutje Përuruese Presidenciale Virtuale në Katedralen Kombëtare të Uashingtonit.
Në fund është festimi amerikan. Është një ngjarje e mbushur me persona të njohur, e bërë për-TV e quajtur “Festimi i Amerikës”. Ngjarja do drejtohet nga fituesi i Çmimit të Akademisë Tom Hanks dhe Eva Longoria dhe Kerry Washington, ku do të prezantojnë segmente të specialit, i cili do të përfshijë “histori të të rinjve që bëjnë një ndryshim në komunitetet e tyre”. Lady Gaga do të këndojë himnin kombëtar me Jennifer Lopez, e cila pritet të japë edhe një super performancë.
