Pak minuta para nisjes së Prime-it të radhës të Big Brother VIP Kosova, një situatë e papritur ka shkaktuar shqetësim brenda shtëpisë dhe te publiku. Banorja me e re e reality show, Elijona është nisur me urgjencë drejt spitalit, duke lënë të hapura shumë pikëpyetje mbi gjendjen e saj shëndetësore.
Largimi i saj ndodhi vetëm pak çaste para fillimit të spektaklit live, çka bëri që reagimet të ishin të menjëhershme si nga banorët e tjerë, ashtu edhe nga ndjekësit e emisionit në rrjetet sociale.
Lajmi u konfirmua zyrtarisht nga moderatori Alaudin Hamiti, i cili sqaroi se situata nuk paraqitet alarmante. Sipas tij, Elijona po merr trajtimin e nevojshëm mjekësor dhe ndodhet nën kujdes profesional, duke garantuar se gjendja e saj është e stabilizuar.
Megjithatë, ende nuk dihet nëse banorja do të rikthehet sonte në Prime apo do të mungojë për arsye shëndetësore. Vendimi pritet të merret në varësi të këshillës së mjekëve dhe gjendjes së saj në orët në vijim.
Publiku tashmë mbetet në pritje të zhvillimeve të mëtejshme dhe një njoftimi zyrtar gjatë Prime-it, për të mësuar nëse Elijona do të jetë pjesë e spektaklit të mbrëmjes apo jo. Tashme Prime ka startuar, e te shumte jane komentuesit qe pyesin ne Live-in e show-t per gjendjen e Elijones.
