Në 17 gusht këngëtari i njohur Erik Lloshi dhe bashkëshortja e tij, Romina celebruan dashurinë e tyre me martesë.
Dasma e madhe u mbajt në një nga lokalet më në zë të kryeqytet dhe të pranishëm ishin, familjarë, miq dhe të afërm të çiftit.
Gjatë mbrëmjes pati shumë surpriza dhe nuk mungoi as performanca live e Erik Lloshit.
Por tani që ka përfunduar gjithçka, pak ditë pas dasmës Eriku dhe Romina janë nisur drejt jugut të Shqipërisë për të kaluar muajin e mjaltit.
Dyshja publikon në rrjetet sociale herë pas here foto nga momentet që po kalojnë aty dhe duket se po e shijojnë në maksimum bregdetin shqiptar.
Kujtojmë se pak ditë pas dasmës së madhe, Erik Lloshi hodhi në treg këngën e tij më të fundit “Pengu i dashnisë’, e cila ishte dedikim për partneren e tij.
