Aktorja e njohur hollivudiane, Felicity Huffman u është dorëzuar autoriteteve dhe do të vuajë dënimin në një burg federal në Kaliforninë Veriore, pasi u shpall fajtore për pagimin e milionave për të futur vajzën e saj në shkollë elitare.
Ylli i serialit “Desperate Housewives” iu dorëzua autoriteteve në Institucionin Federal në Dublin, Kaliforni, i cili është rreth 40 milje në lindje të San Francisko-s, tha përfaqësuesi i saj.
Ajo duhet të paguajë një gjobë prej 30,000 dollarësh dhe të kryejë 250 orë shërbim në komunitet nën dënimin e dhënë nga gjyqtarja e rrethit amerikan muajin e kaluar.
Aktorja 56-vjeçare pranoi se kishte paguar dikë për të korrigjuar testin e bordit të kolegjit të së bijës,
Në burg, ajo do të ketë numrin 77806-112, dhe pritet të vuajë dënimin e plotë prej 14 ditësh, dhe nuk mund të dalë më herët për sjellje të mirë pasi këtë nuk e parashikon sistemi në më pak se një vit dënim.
