Ndonëse shpesh mundohen ta distancojnë, politika ka prekur edhe fushën e artit dhe artistët e këtë nuk mund ta mohojë njeri.
Nuk flasim këtu për ndërhyrjet e saj për përmirësimin e kulturës, por për ndërhyrjen e artistëve në politikë. Padyshim që në këtë mes nuk ka asgjë të keqe sepse secili ka të drejtën ligjitime të ketë ideologjitë e veta e të mbështesë politikat që i duken më të drejta.
Si qytetarë të këtij vendi edhe artistët kanë të drejtë të reagojnë sa i takon politikës dhe asaj ç’ka ndodh në këtë sferë.
Por, duket se nuk është i këtij mendimi Julian Deda, i cili ka reaguar ashpër ndaj kolegëve të tij me anë të një statusi në rrjetet sociale.
Ai ironizon takimet e personazheve publike me kryebashkiakun e Tiranës, Erion Veliaj, duke shkruar se pagesa për takimin me të është 3-6 mijë euro, teksa shton se detyrohen të thonë se nuk janë me asnjë parti, por mbështesin Erion Veliajn.
Lajmërim i rëndësishëm: Kërkohen personazhe publike për takimin e radhës të Erion Fikut në lagjet e Tiranës. Pagesa 3 deri në 6 mijë euro. Fjalia që duhet të thonë me detyrim para kamerave është: “Unë nuk jam me asnjë parti por më pëlqen Erioni.” Të interesuarit të paraqiten në ambientet e Bashkisë Tiranë për të marrë 50% të pagesës në dorë, pasi të kenë bërë një foto me Erion Shtirjen në zyrën e tij. Pjesa tjetër e shumës likuidohet pas daljes në publik.
Në fakt janë disa personazhe publike që i kemi parë në zyrën e kryebashkiakut të Tiranës, por lidhja me statusin e Julit është Rezart Veleshnja.
Ky i fundit ka deklaruar shpeshherë se nuk është me asnjë parti, por ka publikuar në fund të muajit shtator këtë foto me Veliajn.
https://www.instagram.com/p/CFsLBWFnSiT/?utm_source=ig_web_copy_link
Për më tepër dy aktorët kanë debatuar edhe më parë. Për rikujtesë të ftuar në emisionin “360 gradë” rreth 2 vite më parë, ata u përfshinë në një debat mbi angazhimin e Julit në PD dhe faktin se kjo e fundit ka detyruar mamanë e Rezartit të dalë në protestë. (sipas tij)
Pjesë nga debati:
Deda: Siç ka politikanë që nuk i meriton Parlamenti, ka edhe aktorë që nuk i meriton fare skena.
Veleshnja: Rrogën nuk ta rrit Partia. Ta rrit puna.
Deda: A është më lart një politikan apo një aktor, hajde ta diskutojmë. Ka pisa në parlament, ka pisa edhe në skenë.
