Ingrit Gjoni ka eksperimentuar shumë me look-un e saj, herë bionde, herë brune, herë me flokët e shkurtër herë më flokë të gjatë.
Transformimi ndër vite i këngëtares, që nga shfaqja për herë të parë në ekran, ka bërë që të harrojmë sesi ka qenë Ingriti në fillimet e veta. Megjithatë për ju që nuk e mbani mend, nuk do të zhgënjeheni aspak. Iconstyle.al ka siguruar disa foto të Ingritit kur ka qenë 20 vjeçe dhe dukej shumë natyrale.
Me flokët me onde dhe të palyera, vetullën e trashë të pahequr që sot e kanë zili të gjitha femrat, Ingrit Gjoni shfaqet tejet natyrale. Fotot e mëposhtme besohet se i përkasin vitit 2001 dhe Ingriti na mahnit me fizikun e një modeleje.
Në foton e parë ajo shfaqet e veshur me një palë xhinse të shkurtra dhe një bluzë bust me temina në ngjyrë floriri. Xhinset i shfaqin këmbët e holla dhe të drejta, që edhe vetë Ingriti i sheh sot me zili pas 16 vitesh.
Ajo sot është bërë nënë e një vogëlushi që quhet Pardit dhe fiziku ka ndryshuar shumë, ashtu siç ndodh rëndom te femrat pas lindjes. Por një gjë që ka ndryshuar më së shumti, është gjoksi.
Këngëtarja e ka pranuar se ka bërë ndërhyrje pas lindjes:
“Është e vërtetë që kam bërë ndërhyrje në gjoks. Prej kohësh kisha dëshirë t’i rrisja përmasat e gjoksit me një numër, por frika se mos nuk do të mundja ta ushqeja me gji fëmijën tim, më mbante larg realizimit të kësaj dëshire. Me lindjen e Paridit dhe me ndërprerjen e qumështit të gjirit, fillova të mendoja për ta bërë realitet këtë dëshirë kahershme”, është shprehur Ingriti.
Ndërsa në fotot e siguruara nga Iconstyle.al, Ingriti duket shumë natyrale me rrobabanjot që i tregojnë numrin e vogël të gjoksit, sigurisht në një fazë rritje dhe zhvillimi duke marrë parasysh moshën e këngëtares. Me buzët e imëta dhe tonin blu në sy, që ishte aq shumë në modë në vitet 2000, Ingriti shfaq tiparet e bukura dhe të rregullta, për të cilat duket se nuk ka pasur nevojë për asnjë ndërhyrje.
