Leona Lewis i ka dhënë fund beqarisë me të dashurin e saj Dennis Jauch, me të cilin ka 8 vjet e lidhur.
33-vjeçarja e tregoi lajmin e madh në mënyrën më të thjeshtë të mundjshme, me një postim në Instagram.
Ajo u shfaq duke mbajtur një unazë me diamant të mrekullueshëm në disa foto dhe në një klip të xhiruar gjatë pushimeve të saj romantike në San Juan, Porto Riko.
Fituesja e “X Factor” kishte veshur një kostum xhins të qëndisur me lule, që theksonte belin e saj të hollë, ndërsa në dorë i shkëlqente unaza.
Këngëtarja dhe koreografi janë lidhur në vitin 2010 kur Dennis punonte si balerin në turneun e saj.
Leona e ka mbajtur jetën e saj private jashtë fokusit të kamerave, edhe pse ka folur për martesën në vitin 2013.
“Gjërat me Dennis po shkojnë me të vërtetë mirë. Nuk kemi folur ende për martesën. Kjo është diçka që unë dua ta bëj kur t’i vijë koha. Dua të martohem në të 20-at.
