Renato Mekolli mund të bëhet pjesë e emisionit më të njohur të gatimit në mbarë botën.
Bëhet fjalë për “Hell’s Kitchen”, ambientet e së cilit në Los Angeles janë vizituar nga shefi i famshëm shqiptar.
Renato ka publikuar disa video në Instagram, ku tregon se ndodhet brenda kuzhinës së famshme të “Hell’s Kitchen”.
Ende nuk dihet arsyeja e vizitës së tij në studiot e programit më të famshëm në Amerikë, por ndoshta Renato do të frymëzohet për sezonin e ri të programit këtu në Shqipëri, për të cili ka premtuar se do të tregohet me i keq se herën e parë.
Në një bisedë në Instagram ai shprehet se më i mirë se herën e fundit nuk ka për t’u bërë, përkundrazi!
Renato Mekolli ka bërë me dije gjithashtu se do të vijë shumë shpejt me një emision gatimi për fëmijë në “Top Channel”, ku dy grupe do të garojnë kundër njëri-tjetrit.
Çdo javë do ketë konkurrentë të rinj dhe çdo puntatë e emisionit do të rezervojë një fitues, megjithatë dhe ai që humbet do të ketë mundësinë t’i vendosë një dënim shef Renatos, nga inati i largimit.
