Divorci zyrtar i Affleck dhe Jennifer Lopez i ktheu dy personalitetet në tregun e beqarëve dhe të dy përfliten për lidhje të reja. Ndërsa JLo tashmë po flitet se ka nisur romancë me Kevin Costner, Ben dihet se është strehuar te ish-ja e tij, Jennifer Garner.
Sipas informacioneve të El Periodico, ka burime në Hollywood që theksojnë se Ben Affleck mund të përpiqet të afrohet më shumë me ‘dashurinë’ e tij prej kohësh Jessica Alba, pasi aktorja u divorcua nga Cash Warren disa javë më parë, pas 16 vitesh martuar.
“Ben ka qenë i interesuar për Xhesika për gati dy dekada,” tha një mikeshë e ngushtë e Jessica Alba, duke shtuar se “sa herë që ata kanë kaluar kohë së bashku, kimia ka qenë e pamohueshme. Tani që të dy janë beqarë dhe fëmijët e tyre janë rritur, duket se është koha e përsosur që marrëdhënia e tyre të lulëzojë”.
Ndarja e Ben Affleck dhe JLo ndodhi më shumë se gjashtë muaj më parë dhe, që atëherë, aktori ka qenë i lidhur edhe me Kick Kennedy, vajzën e Robert F. Kennedy Jr, edhe pse ky thashetheme është mohuar.
Ndihma që Jennifer Garner i dha Ben Affleck pas divorcit të tyre mund të ketë shkaktuar tension të panevojshëm në marrëdhënien e saj me partnerin e saj aktual, biznesmenin John Miller, për arsye mjaft të qarta.
Nuk është sekret që aktorja është përpjekur gjithmonë të mbajë një marrëdhënie të afert me Affleck pas ndarjes së tyre pas një dekade martese, kryesisht për hir të fëmijëve të tyre. Fatkeqësisht, kjo ka përfshirë mbështetjen emocionale për ish-bashkëshortin e saj gjatë periudhave të vështira, siç është marrëdhënia e ndërlikuar e Affleck me Jennifer Lopez, si dhe përfshirja në situata emergjente, si zjarret në Los Angeles.
