Pa patentë dhe nën efektin e alkoolit, arrestohet 18-vjeçari që drejtonte mjetin ku ndërruan jetë dy vajza

Një aksident i rëndë ndodhi mbrëmjen e kaluar në Tiranë, në aksin e vjetër në Bërzhitë, që i ka marrë jetën 2 vajzave adoleshente.

Makina ka dalë nga rruga për shkak të lagështirës, duke sjellë humbjen e jetës së dy vajzave pasagjere, shtetaset me inicialet D. T, 17 vjeçe dhe S. S, 17 vjeçe.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Gjithashtu, 3 adoleshentë të tjerë kanë mbetur të plagosur.

Policia bën me dije se tashmë është arrestuar edhe drejtuesi i mjetit.

18-vjeçari me iniciale F.SH., banues në Bërzhitë, u arrestua në flagrancë për veprat penale “Shkelja e rregullave të  qarkullimit rrugor “ dhe “Drejtim i mjetit në mënyrë të parregullt”,

Nga verifikimi i dokumentacionit, rezultoi se drejtuesi i mjetit shtetasi F.Sh, drejtonte automjetin i pa pajisur me Leje Drejtimi të grupit “B”.

Drejtuesi i mjetit u verifikua me aparatin alkool testues, ku rezultoi se sasia e alkoolit në frymëmarrje ishte 0.17 mg/l. Materialet i kaluan Prokurorisë për veprime të mëtejshme