Pas problemeve me gjendjen psikologjike dhe emocionale, Selena Gomez tregon se tashmë është në një moment ku po shijon çdo çast të jetës, ashtu siç vjen.
Përmes disa fotove në Instagram, këngëtarja dëshmoi se ndodhet me pushime në plazh me katër shoqet e saj, për të festuar festën e beqarisë së njërës prej tyre.
Ndërsa 26-vjeçarja pozon me bikinit e bardhë, ajo që na bënë më shumë përshtypje (bazuar në ditët e sotme) është se, asnjëra prej tyre nuk është edituar.
Nuk ka trupa perfektë, muskuj barku apo lëkurë super të shkëlqyeshme. Çdo gjë është kaq natyrale në këto foto dhe lumturia e tyre përcillet kaq bukur.
Selena Gomez na jep një shembull që të duam veten ashtu siç jemi, me disa kilogramë më shumë dhe të mos ndryshojmë asgjë për hir të rrjeteve sociale.
Burimi: Instagram
