Christina Aguilera gjithmonë ka përdorur një makijazh të rëndë gjatë karrierës së saj 20-vjeçare.
Por për koverin e majit të revistës “Paper”, këngëtarja e “Genie In A Bottle” nuk ka asnjë grim makijazhi në disa foto të realizuara nga afër.
37-vjeçarja thuajse nuk njihet, ndërsa mban një gisht në buzë, në të cilin nuk ka një unazë me diamant, por një unazë ku lexohet “MOM” (mama).
Në fotot pa makijazh, Aguilera tregon qukat, të cilat fansat nuk i kanë parë më herët, pasi kanë qenë të mbuluara.
“Unë kam qenë gjithmonë dikush që pëlqente të eksperimentonte, i pëlqente teatri, të krijojë një rrëfim dhe të luajë një karakter në një video ose nëpër skena. Unë jam një performuese, kjo është ajo që jam nga natyra. Por jam në një vend, madje edhe nga ana muzikore, ku është një ndjenjë çliruese që të hedhësh gjithçka mbrapa dhe të vlerësosh atë që je dhe bukurinë tënde natyrale”, u shpreh këngëtarja.
Por ajo thotë se do t’i kthehet pamjes së saj të grimuar shumë shpejt, pasi ende e do makijazhin.
“Jam një vajzë që i pëlqen një fytyrë e mundur, por nuk dua të më keqkuptoni”, tha Aguilera.
Këngëtarja foli edhe për fëmijërinë e saj dhe rritjes mes abuzimeve.
“Kam parë nënën time të nënshtrohet ose të mendoj se kur do të dhunohet. Mund të dëmtoheni kaq shumë nga kjo, sa që mund të merrni një kthesë të gabuar ose të fuqizoheni dhe të mos e pranoni kurrë si zgjedhje”.
Kjo i mësoi asaj të kuptonte se disa gra nuk mund të shpëtojnë.
“E urrej kur njerëzit thonë: “Pse nuk largohet?”. Ka dëme psikologjike dhe abuzime mendore që vijnë me të jetuarit në një situatë të tillë. Shumë njerëz nuk kanë aftësinë për t’u shprehur ose për të mësuar se si të dalin nga kjo situatë”, tha Christina Aguilera.
Bukuroshja u bë super e famshme në vitet 1990 me hitet e saj pop-rock.
