Një ngjarje e rëndë është regjistruar disa ditë më parë në Greqi, ku një 11-vjeçare, u vra nga daja i saj 37-vjeçar. Sakaq, ky i fundit ndodhej deri pardje në Drejtorinë e Policisë së Ilisë – nën masa të forta sigurie dhe herët në mëngjesin e së dielës u vendos transferimi i tij fshehurazi në Patra, për të shmangur incidentet. Paraditen e djeshme vrasësi është zhvendosur në burgjet e Grevenës.
Në këtë burg përfundojnë të gjithë ata persona që kanë kryer krime me karakter seksual.
Vrasësi pasi mbërriti në qendrën e paraburgimit, iu nënshtrua një sërë analizash për të përcaktuar nëse është përdorues droge dhe pritet t’i nënshtrohet psikologëve dhe psikiatërve specialistë për të kontrolluar nëse ekziston rreziku i vetëlëndimit apo nëse do të sillte rrezik për personat që gjenden pranë tij.
