Këtë fundvit një sfidë argëtuese po qarkullon në Instagram. “Show me a picture of” është trendi që po e shohim në shumë llogari këto ditë. Ajo konsiston në publikimin e një fotoje që të kërkohet nga ndjekësit e tu në Instastory.
Si duket kjo lojë është përqafuar edhe nga personazhet publike që kanë vendosur të ndajnë me fansat e tyre fotot që ata kërkojnë, duke na treguar edhe momente për të cilat kemi qenë të gjithë kuriozë.
Deri tani këtë trend e kanë realizuar Elita Rudi, Tayna, Lori Hoxha, Jona Spahiu, Afërdita Dreshaj, Ronela Hajati, Dua Lipa, Almeda Abazi etj.
E listës duket se i është bashkuar edhe Kiara Tito, e cila ka realizuar dëshirat fansave e ka ndarë çfarë ata kanë dashur.
Moderatores i është kërkuar një foto të realizuar në vitin 2012. Po flasim për 8 vite më parë, kur Retrica ishte e preferuara e të gjithëve, ndonëse Kiara nuk ka përdorur një nga efektet e këtij aplikacioni.
Ajo ka postuar një foto me bikini në plazh duke shkruar “Me filtra shumë”.
Sakaq, ajo ka ndarë edhe një foto nga periudha kur ishte e infektuar me Covid-19. Në fakt është një selfie ku Kiara duket si gjithnjë super yll, dhe po të mos na e tregonte as do e kuptonim se ka qenë e infektuar.
Kujtojmë se rreth një javë më parë moderatorja tregoi se ka kaluar koronavirusin. Kiara tregoi në një intervistë se e kishte kaluar lehtë dhe ishte izoluar vetëm në shtëpi, ku kishte kaluar një palë “pushime”.
Ajo rrëfeu se në momentin që e kishte harruar koronën dhe mendonte se ishte mirë, ishte infektuar.
“Humbja e nuhatjes zgjati një javë. Fatmirësisht jetoj vetëm dhe nuk ndikoj te familjarët.
Jam gati të rikthehem në television. Kisha gati një javë që e kisha harruar dhe në atë periudhë më zuri Covid.
Gjatë kësaj periudhe, gatova, ndjenja, pash Netflix, cfarë bëhet zakonisht kur je me pushime” – tregoi Kiara.
