Ai u kthye nga një arratisje romantike në Sardenja me Katy Perry-n, vetëm javën e kaluar.
Por Orlando Bloom udhëtoi i vetëm pasi bëri një arritje të gëzuar në Tokio, Japoni, mëngjesin e së premtes. Ndërkohë që raportohet se ai po planifikon të martohet dhe të ketë fëmijë me princeshën e pop-it, të dashurën e tij 31-vjeçare.
Aktori britanik 39-vjeçar dukej i gëzuar ndërsa udhëtoi për biznesin e tij.
Babai i një djali 5-vjeçar, Flynn, i ardhur në jetë nga martesa e tij me ish-bashkëshorten Miranda Kerr, 33 vjeç, u shfaq “casual” me një bluzë të bardhë duke treguar muskujt dhe ngjyrën e marrë gjatë plazhit. Ai kishte zgjedhur pantallona dhe kapele blu, të kombinuara me atlete ngjyrë kafe.
Marrëdhënia e tij me të dashurën Katy Perry raportohet se do të forcohet akoma më shumë. Një burim i brendshëm tha për “People” të mërkurën: “Ai do të dëshironte të angazhohej me Katy-n dhe të kishte më shumë fëmijë. Ata nuk janë fejuar akoma, por gjërat duhet se po “nxehen”.
Burimi shtoi se, “Orlando është gjithmonë i entuziazmuar me Katy-n dhe mendon se ajo është e mrekullueshme në një milion mënyra”.
Katy dhe Orlando nisën që të dilnin bashkë pas ceremonisë “Golden Globe Awards” në janar. Ndërkohë që Katy është njohur edhe me djalin e tij dhe kanë shijuar pushime tropikale bashkë përreth botës.
Burimi: Daily Mail
