Kur Noizy u zu me Encën në 2017-ën, përmes një postimi në Instagram, reperi e përjashtoi këngëtaren zyrtarisht nga grupi “OTR”.
Shkak për këtë vendim të menjëhershëm ishte sipas Noizy-t, një intervistë e Encës ku ajo falenderonte “stafin” e saj, duke anashkaluar shprehjen e mirënjohjes ndaj Noizy-t dhe grupit OTR. Asokohe, Noizy dhe Enca nuk kishte shumë që kishin publikuar këngën “Bow Down”.
Prej kohësh përflitet një zënkë mes Noizy-t dhe pjestares së grupit OTR Oriola Marashi, pasi ata nuk e ndjekin më njëri- tjetrin në Instagram.
Oriola u prezantua si pjestarja e re e OTR në gusht të 2017-ës, duke u konsideruar nga lideri i grupit si “lëvizja e madhe e radhës”.
Mirëpo, që atëherë, Oriola nuk ka publikuar ende asnjë këngë, edhe pse një projekt muzikor i Oriolës me OTR u paralajmërua që prej fillimeve.
Ndërsa planet për muzikë duket sikur u harruan, mbrëmë Oriola Marashi sfiloi për markën “Guess” në një sfilatë në Spanjë.
Prej kohësh, Instagram-i i saj ka vetëm foto nga shërbimet fotografike si modele.
Por sot, pasi lajmi se ajo kishte sfiluar për Guess u përhap gjithandej në internet, Oriola vendosi të falenderonte publikisht familjen OTR, sepse siç thotë ata janë gjithmonë pranë saj kudo që shkon.
“Më e rëndësishmja është familja ime OTR, jam gjithmonë aty për ta dhe ata janë gjithmonë aty për mua!”, shkroi Oriola.
Mesa duket, pjesë e rregullave që duhet të ndjekin pjestarët e OTR është të shprehin herë pas here mirënjohje publike për grupin, përndryshe e pësojnë si Enca.
Grupi i artistëve ka rekrutuar së fundi edhe një tjetër modele: Niki Delijorgjin. Ajo ka paralajmëruar gjithashtu një projekt të ri muzikor.
