Oriola Marashi, ish-modelja e “Icon Agency” është duke bashkëpunuar me grupin OTR për të sjellë projektin e saj të parë muzikor. Madje me një postim në “Instastory” Oriola na tregoi se tashmë kanë nisur edhe xhirimet e klipit të saj të parë.
Bashkëpunimi me OTR-në i ka dhuruar edhe një mik të ngushtë siç është Varrosi. Modelja dhe reperi shihen vazhdimisht nën shoqërinë e njëri-tjetrit dhe për më tepër nuk i kursejnë as komentet ndaj njëri-tjetrit në rrjetet sociale.
Pikërisht kjo marrëdhënie e ngushtë midis dyshes së njohur ka bërë që fansat të hamendësojnë se mes tyre ka më shumë se sa shoqëri. Mirëpo ata e kanë mohuar në mënyrë kategorike një lidhje të mundshme mes tyre.
Në një foto të publikuar dje nga Oriola në “Instagram”, një ndër të parët që ka komentuar është Varrosi.
“Ahahahha kafsh”, shkruan reperi duke treguar edhe marrëdhënien e ngushtë që ka me modelen përderisa e quan kështu.
Kaq ka mjaftuar dhe fansat kanë filluar të komentojnë duke e uruar “të trashëgohen”. Ndërsa mënyra se si e quan Oriola Varrosin na i shtoi edhe më shumë dyshimet se midis tyre ka më shumë se sa shoqëri.
“Hahaha jetë”, ia ka kthyer Oriola reperit.
