Konferenca e sotme për shtyp e Loredanës pas akuzës së rëndë për zhvatjen e 900 mijë frangave zvicerane, duket se nuk e ndihmoi imazhin publik të reperes. (lexo këtu)
Por ndërsa shumë i janë vënë kundër, siç tregojnë komentet në rrjetet sociale, Oriola Marashi vendosi të tregonte publikisht mbështetjen e saj për Loredanën.
Në një postim në Instastory, modelja publikoi një foto të Loredanës me vajzën e saj 6-muajshe, fryt i marrëdhënies me reperin Mozzik. Oriola përdori etiketën #isupportlori (unë mbështes Lorin), si për të nisur një fushatë në mbështetje të 23-vjeçares, e cila ditëve të fundit është bërë objekt kritikash të ashpra, teksa gjendet nën akuzë se, bashkë me të vëllanë, ka kërcënuar dhe zhvatur një 53-vjeçare zvicerane.
Oriola Marashi nuk është i vetmi personazh publik që shprehu mbështetje për të.
Dje Labinot Tahiri, i njohur si këngëtar por edhe deputet në parlamentin e Kosovës, shprehu besimin se akuzat ndaj Loredanës janë të pavërteta.
Në një postim në Instagram, ai shkruajti:
“Qëndroni të fortë se drejtësia vonon dhe prapë do bjerë në vend. Ne besojmë në ju. Deri sa dikush gëzohet, unë mendoj më larg se deri te hunda. Unë nuk shkruaj për like, shkruaj me zemër! Prisni se e vërteta do të dalë ndryshe. Zoti qoftë me ju!”
