Edhe pas përfundimit të Eurovizionit diskutimet nuk kanë të ndalur e sidomos përsa i përket këngës dhe prezantimit të Shqipërisë nga Ronela Hajati. Ajo përfaqësoi Shqipërinë në “Eurovision” me këngën “Sekret” por që për fat të keq nuk ia arriti dot që të kualifikohej për në finale. Kënga e Ronelës ngjalli tepër interes dhe mori mjaft komente pozitive por nuk mund të mungonin dhe ata negative.
E së fundmi mesa duket Ronela nuk ka duruar më dhe është shprehur mjaft e indinjuar në rrjetet sociale duke postuar në Instagram- “Po paskeni qenë të vdekur për tu kapur me mua. Opinionistë të kalbur siç e keni mendjen dhe shpirtin… Turp”!
Ky reagim erdhi pasi në emisionin “Opinion” një panel të ftuarisht po diskutonin rreth përfaqësimit të saj në Festivalin Europian mbrëmjen e djeshme.
Ronela foli pak ditë me parë në emisionin “A Live Night” edhe për gjënë më të keqe që i ka ndodhur gjatë rrugëtimit të saj muzikor.
“Mua gjëja më e keqe që më ka ndodhur nga kjo rënie nuk është vrasja, por zhgënjimi. Unë jam vajzë e vetme dhe të shtëpisë sime nuk më kanë ndjekur nga pas kur kam vendosur që muzika të ishte profesioni im. Nuk kanë qenë shumë dashamirës. Kanë dashur që muzika të ishte kulturë, një plus përtej një profesioni. Ndaj nuk më kanë përkrahur në pjesën e investimit. Muzika në fillim do shumë investim derisa ti të njihesh. Unë këtë nuk e kam patur. Absolutisht që gëzoheshin shumë kur merrnin reagimet pozitive të njerëzve,” u shpreh Ronela.
