Të jesh një personazh i njohur publik, detyrimisht ke dhe ndikim tek ata që të ndjekin. Ndaj dhe Aurela Hoxha është detyruar të sqarojë një deklaratë të sajën, të bërë mbrëmjen e së shtunës së kaluar në emisionin “Shiko Kush Luan”.
Gjatë emisionit, ajo u pyet edhe mbi operacionet plastike dhe u shpreh se kishte bërë operacion gishtat e këmbëve, ku edhe pse me shaka nuk u kuptua nga të gjithë.
Një ndër personat që nuk e kuptuan ishte një vajzë, e cila ka problem me gishtat e këmbëve dhe si rrugëzgjidhje mendoi Aurelën për të ditur se ku i kishte bërë ajo të sajat.
E tmerruar nga mesazhi i fanses, Aurela menjëherë iu përgjigj për t’i thënë se bëri shaka dhe nuk ka asnjë ndërhyrje në këmbë:
‘’Ooo zot!!! Të jem e sinqertë nuk më interesojnë të gjitha të pavërtetat që shkruajnë portalet, por ndikimi që kam te ju më prek shumë, ndaj dhe dua të përgjigjem publikisht. Shpirt, “ShikoKushLuan” është një format për të luajtur e zbavitur, si të tillë e trajtova dhe unë, ato përgjigje ishin “shaka” dhe portalet ushqehen me këto “lajme”… Unë jam shumë e lumtur me gishtat e këmbës e çdo gjymtyrë që më ka falur Zoti, duhet të jesh dhe ti.”, shkruan Aurela.
