Ish-banorja e “Big Brother” Xheni, u rikthye dje në Tiranë dhe vendosi të darkojë me Olsin. Të gjithë prisnim që personin e parë që do takonte në Tiranë do ishte Bernardi. Por jo nuk ndodhi kështu, pavarësisht ngacmimeve të shumta që ata bëjnë me njëri-tjetrin nëpërmjet postimeve në rrjetet sociale.
Xheni zgjodhi Olsin për të darkuar dhe më pas u argëtuan të dy në një nga club-et e Tiranës. Nisur nga kjo në mediat rozë qarkulluan zëra se mes Xhenit dhe Olsit ka një lidhje. I menjëhershëm ka qenë reagimi i Olsit, i cili ka shpjeguar edhe lidhjen e tij me Xhenin.
“ Nuk i kuptoj këto lloj trashësie nga disa njerëz, që çdo foto me femër që hedh është ose e dashura ose dikush që ti kalon diçka. Mos harroni se kemi kushërira dhe shoqe që respekti që kemi vlen më shumë se disa fjalë nga njerëz me kokë bosh”: shkruan ai në “Instastory”.
Gjithashtu Olsi rrëfen se kur të vijë koha për të prezantuar të dashurën, do të jetë ai vet që do ta bëjë këtë gjë.
“Kur të vijë koha për të prezantuar të dashurën pa merak se nuk do të lodheni duke parë në foto. Deri atëherë ka kohë. Të kemi shëndetin se dashuria vjen vet. Puç puç”: shkruan Olsi.
