Olsi Bylyku dhe Egli Tako zyrtarizuan lidhjen e tyre vitin që lamë pas, duke u bërë një nga çiftet më të dashura të showbiz-it shqiptar.
Ata shpesh ndajnë video gazmore me ndjekësit, duke treguar rreth marrëdhënies së tyre veshur me nota humori, sikundër i takon Olsit.
Ditën e sotme ai ka qenë i ftuar në “Ftesë në 5”, ku ka folur rreth lidhjes së tyre.
Por, në një moment ai u befasua nga Bieta e cila tha se Egli i ka dërguar një videomesazh, por në fakt kjo duket të ishte një lojë sepse ajo nuk kishte dërguar asnjë të tillë.
Por prisni të mësoni arsyen. Pa asnjë kompleks Olsi pranoi direkt se arsyeja e këtij veprimi ishte pikërisht ai, që nuk e kishte lejuar Eglin ta bënte diçka të tillë. Pse do thoni ju?
E thjeshtë. Aktori i njohur i humorit shpjegoi:
Egli bën çfarëdo lloj gjëje që t’i dojë zemra, por ka diçka që, kjo fusha jonë sa më shumë që e kam njohur, kam arritur në përfundimin se është 60% menaxhim dhe 40% punë. Sot flasin për Eglin vetëm ngaqë është Olsi Bylyku, unë nuk dua që nesër kur të dalë Egli të flitet për Olsin , por të flitet për Eglin që është, sepse unë e di shumë mirë se çfarë talenti ka ajo.
Më pas ai ka treguar se është shumë romantik dhe i bën shumë dhurata Eglit, ndonëse ka pranuar se nuk di të gatuaj dhe kur vjen puna të surpriza të tilla, porosit jashtë.
I pyetur nëse këshillohet me të ëmën lidhur me debatet që ka me partneren e tij, Olsi e mohoi diçka të tillë, duke lënë të kuptohet se i zgjedhin vetë punët e tyre.
