Olsi Bylyku është një nga personazhet që brenda një kohe të shkurtër mori shumë famë. Ishte dalja e tij e parë në Portokalli me rolin e “Kimikatit”, që e bëri mjaft të njohur dhe sot ai është një nga personazhet më të ndjekur. Megjithatë kjo nuk e ka penguar në asnjë moment të shprehë hapur opinionet e tij, ashtu siç edhe ka bërë së fundmi në emisionin “Why Not”.
Aktori i humorit është pyetur se çfarë nuk i pëlqen nga VIP-at shqiptarë dhe ai ka kthyer përgjigjen pa doreza.
“Dëshira për të bërë sa më shumë lek. Mosvlerësimi dhe tangërllik i tepruar”, tha Olsi.
Ndërsa për partneren e tij, Eglin, ai u pyet që të tregonte 3 pjesët që i pëlqejnë më shumë nga trupi i saj. “Sytë, faqet dhe vetullat. A e di si i ka vetullat? Për t’ja dhënë me qira, nëse i duhen ndonjërit”, tha Olsi duke mos i lënë as batuat e tij.
Ndërkohë kujtojmë se këto kohë Olsi ka qenë shumë aktiv në karrierën e tij, qoftë në televizion, por edhe në muzikë. Para disa javësh ai nisi një “late night show”, “Roped ëith Olsi”, në të cilin ka pasur të ftuar disa personazhe të njohur. Gjithashtu një muaj më parë, Olsi publikoi një bashkëpunim me artistin Engi, me titullin “PPN”.
