Interneti po vlon me lajmet se dy vëllezërit, Harry dhe William kanë pasur një marrëdhënie plot tension kohët e fundit, dhe gjithçka për faj të Meghan Markle.
Këto raportime rrjedhin nga vendimi i Harry-t dhe Meghan për të braktisur Kensington Palace, ku William, Kate dhe fëmijët e tyre jetojnë, për të lëvizur kilometra larg në Cottage Frogmore në Windsor Estate.
Shpjegimi më i mundshëm dhe i arsyeshëm për largimin e çiftit është se ata thjesht duan të rrisin fëmijët e tyre larg atmosferës mbretërore në Kensington Palace. Por gazetarja e “Vanity Fair”, Katie Nicholl, pohon se ka një tension midis vëllezërve.
Një burim tregon se Harry dhe William patën një zënkë Krishtlindjet e kaluara, kur Harry i tha vëllait të tij më të madh se ai nuk po bënte mjaftueshëm për të përfshirë Meghan në familjen mbretërore.
“Harry ndjeu se William nuk po i shtronte tapetin e kuq Meghan-it dhe i tha atij. Ata patën një zënkë që u zgjidh vetëm kur Charles hyri dhe i kërkoi William-it të bënte një përpjekje”, thotë burimi.
Kjo ndodhi para se familja mbretërore të ftonte Meghan për të kaluar Krishtlindjet me ta.
Pra, incidenti në fjalë u shënua pothuajse një vit më parë, dhe në daljet e fundit vëllezërit duken mjaft të lumtur me njëri-tjetrin. Por përse vallë po ikin Meghan dhe Harry larg William dhe Kate?!
