Një urdhër-arresti është lëshuar së fundmi për Kiari Kendrell Cephus të njohur gjerësisht si Offset, i cili është partneri i këngëtares së famshme Cardi B me të cilën ka një vajzë që quhet Kulture.
Ai akuzohet se ka thyer telefonin e një prej fansave të tij, që kushtonte plot 800 $.
Ngjarja ka ndodhur në Gjeorgji, ku një nga fansat e reperit Junior Gibbons, i është afruar atij duke e pyetur si po ja kalon, njëherazi duke e filmuar, ndërkohë reagimi i Offset ka lënë shumë për të dëshiruar.
Atij i ka dalë situata jashtë kontrollit dhe tërësisht i revoltuar ia ka hedhur telefonin nga duart fansit, ndërkohë siç e kuptuat ngjarja nuk përfundoi aty.
Tashmë është lëshuar një urdhër-arresti për reperin, ndërkohë detaje më të reja pritet të bëhen publike.
Rikujtojmë se gjatë mbrëmjes së kaluar në Billboard Awards në Las Vegas, Offset dhe Cardi B dukeshin më të dashuruar se kurrë.
