Organizata Botërore e Shëndetëisë është ende e shqetësuar për situatën me pandeminë në Evropën Jugore dhe rajonin e Ballkanit.
Kreu i programit të emergjencave të Organizatës Botërore të Shëndetit, Mike Ryan, tha të mërkurën se tendencat shqetësuese të infeksionit të koronavirusit po shfaqen në Evropën Jugore dhe në rajonin e Ballkanit.
“Natyrisht që Amerika është ende pikë e nxehtë kryesore, Amerika e Veriut, Qendrore dhe e Jugut, por ne kemi sëmundje që fillojnë të shpejtohen në Afrikë”, tha Ryan për stacionin radiofonik Newstalk.
“Edhe në Evropë, megjithëse me siguri në Evropën perëndimore sëmundja është vënë nën kontroll, ne ende kemi disa tendenca shqetësuese në Evropën Jugore dhe në Ballkan, kështu që ne nuk kemi dalë ende jashtë rrezikut në mjedisin Evropian. Kërkon vigjilencë të qëndrueshme”, vijoi ai.
Në të gjithë rajonin e Ballkanit Perëndimor, situata me pandeminë COVID-19 po përkeqësohet, me një rritje të konsiderueshme të infeksioneve dhe vdekjeve në pothuajse çdo shtet.
Mediat e huaja shkruajnë se masat nuk janë aq të rrepta sa ishin gjatë pranverës, megjithatë, dhe zhvillimet politike në shumë vende po e mbajnë në hije atë që ka qenë çështja numër një në këto shtete, vetëm disa muaj më parë.
/Reuters
