Sa herë Qeveria do t’i japë vetes të drejtë për diçka lidhur me masat në kuadër të pandeminë Covid-19 ia atribuon fillimisht Komitetit të Ekspertëve dhe pastaj OBSH-së. Një nga këto raste ka lidhje vaksinën anti-Covid, e porositur me kontratën e bërë me kompaninë COVAX. Aty është fiksuar se Shqipëria do të furnizohet me vetëm 700 mijë vaksina ose mjaftueshme për 20 për qind të popullsisë. Sipas shpjegimeve të dhëna nga Ministrja e Shëndetësisë dhe drejtorja e ISHP-së, Albana Fico, kjo shifër mjafton, sepse kështu u sugjeruan OBSH dhe Komiteti. Deklaratat e fundit të OBSH, të cituara nga BBC, e nxjerrin zbuluar qeverinë.
Albana Fico: Do të vaksinojmë vetëm 20% të popullsisë
Po japim pjesë nga procesverbali i mbledhjes së Komisionit të Shëndetësisë më datë 26 tetor 2020.
“Enver Roshi – “Si është bërë kalkulimi që 20% e popullatës do të mbulohet vaksina dhe cilat janë kategoritë që do të vaksinohen?”.
Albana Fico – E para, për të ardhur në këtë ditë janë bërë disa mbledhje teknike, ka qenë komiteti i ekspertëve, komuniteti i imunizimit, është mbledhur komiteti i ekspertëve dhe të gjithë kanë diskutuar për çfarë u ka takuar.
Së pari, është dakordësuar të inkluduarit në COVAX Facility.
Së dyti, 20-përqindëshi nuk është diçka që e vendos qeveria shqiptare, por vjen si sugjerim nga COVAX Facility, sepse kuptohet që nuk ka përnjëherë atë sasi që mund të mbulojë kërkesat përtej kësaj gjëje. Së treti, për sa u përket kategorive dhe grupeve, për COVID-in mbeten grupet e personave me sëmundje bashkëshoqëruese, ata mbi 65 vjeç dhe punonjësit shëndetësorë.
Enver Roshi – Pyetja konsistonte te kategoritë e riskuara dhe në 20-përqindëshin, për të cilin ju, pak a shumë, e dhatë përgjigjen.
Albana Fico – 20-përqindëshi është i diktuar nga vetë COVAX-i.
Enver Roshi – Po, u mor përgjigjja.
Albana Fico – Ndërkohë kategoritë i kemi bazuar në ligjin për sëmundjet infektive, duke qenë se për COVID-in është shkuar me racionalen e gripit…”
OBSH: Duhet vaksinuar 70% e popullsisë
Covax është platforma e iniciuar nga OBSH për prodhimin e vaksinës, e cila është e destinuar për vendet e botës së tretë (në zhvillim). Televizioni BBC në faqen e tij boton sot artikullin me titull “Will a vaccine give us our old lives back?”, ku ndër të tjera theksohet:
“Në përgjithësi, OBSH vlerëson se midis 65% dhe 70% të njerëzve do të duhet të jenë imun para se të ndërpritet transmetimi i virusit Covid-19, të arrihet “imunizimi i tufës” dhe më pas të tjerët të deklarohen të sigurt”, thekson BBC në këtë artikull.
Prof Azra Ghani, një epidemiolog në Imperial College London, e specializuar në modelimin matematik të sëmundjeve infektive, mendon se duhet të arrijmë të vaksinohen 70% për të qenë “të sigurt”, citon BBC
Ajo beson se arritja e kësaj, në fund të fundit, do të kthejë jetën tonë në normalitet, por deri atje do të jetë një proces i vështirë, edhe pa ndonjë pengesë të paparashikuar.
Prof David Salisbury, një ish-drejtor i imunizimit në Departamentin e Shëndetësisë të MB dhe bashkëpunëtor në institutin Chatham House, thotë se kjo varet nga disa matematika të thjeshta.
“Nëse thjesht mbroni të prekshmit, ju do të ndaloni vdekjet që po ndodhin në personat e prekshëm dhe do të zvogëloni barrën e rasteve në spital, por nuk do të ndalojë transmetimin e virusit Covid-19.”, thotë Prof Salisbury, i cituar nga BBC.
Transmetimi do të vazhdojë midis njerëzve që nuk janë vaksinuar, të cilët më pas mund ta përhapin atë tek njerëzit e prekur të pavaksinuar dhe njerëzit e prekshëm të cilët janë vaksinuar, por nuk kanë bërë një përgjigje mbrojtëse imune, thotë ai.
Kjo do të thotë në mënyrë të pashmangshme që për të shmangur zhvillimin e xhepave të transmetimit dhe ekspozimin e miqve dhe familjeve të cenueshme brenda komuniteteve tona, ne kemi nevojë për të arritur nivele të larta të vaksinimit në të gjitha moshat në të gjitha zonat gjeografike, shpjegon BBC, pasi kontaktoi ekspertët.
Përgatitjet për marrjen e vaksinës
Qeveria shqiptare, jo vetëm ka planifikuar të marrë shumë pak vaksina, por nuk ka bërë as përgatitjet e duhura për infrastrukturën që kërkon vaksinimi.
Vaksinat duhet të transportohen nga fabrikat dhe të dorëzohen në qendrat shëndetësore – përfshirë ato në komunitete të izoluara, të vështira për t’u arritur.
Disa nga vaksinat ka të ngjarë të kërkojnë ruajtje të ftohtë, për shembull vaksina Pfizer duhet të mbahet në temperatura prej -70C (-94F).
Britania e madhe po krijon një rrjet të qendrave të vaksinimit masiv për të menaxhuar detyrën logjistike pasi vendi u bë i pari në botë që miratoi vaksinën Pfizer.
Gjigandi gjerman i logjistikës Deutsche Post DHL ka paralajmëruar se pjesë të mëdha të botës kanë pajisje të pamjaftueshme ftohëse si dhe hapësirë jo të mjaftueshme për ruajtje, e cila do të “përbënte sfidën më të madhe” për shpërndarjen e një vaksine.
Fqinja jonë Maqedonia ka nisur përgatitjen për vaksinimin me jetët që nevojiten dhe po bën fushatë për vaksinimin. Në Shqipëri kemi bërë vetëm një kontratë gjysmake, e cila nuk ka afat se kur do të dorëzohen vaksinat e para.
