Rrjetet sociale e kanë shkrirë komunikimin në çdo kënd, por nëse bëhet fjalë për komunikim mes artistësh me famë botërore, atëherë këtu ndalesa është mëse e justifikueshme.
Një emër i njohur mes emrave të mëdhenj të muzikës si Madonna, Michael Jackson, Elton John, George Michael, Stevie Wonder e shumë të tjerëve, një nga bashkëpunëtorët më besnikë të shumë muzikantëve në botë është Jonathan Sugarfoot Moffett, bateristi i famshëm amerikan , i cili njihet për performancat e jashtëzakonshme me divat e muzikës.
Ky i fundit ka tërhequr vëmendjen e dy artistëve shqiptarë, pasi ka parë në “Instagram” disa momente nga muzika live që Venera Lumani dhe Lind Islami luajnë në Tiranë. Ai e ka pëlqyer performancën e dy të rinjve pa e vrarë mendjen sesa vëmendje do të merrte nga ne. Por për Venerën kjo nuk është pak, madje është e pabesueshme.
“O Zot! Ne morëm një pëlqim nga bateristi i Michael Jackson! Ai pëlqeu videon tonë që e ka hedhur në “Instagram” pikërisht bateristi ynë Klodi Hidri teksa ne këndojmë “Zemër në katror”. Shumë faleminderit!”, shkruan ajo teksa ka publikuar foton me pëlqimin e videos që Moffet i ka dhuruar në “Instagram”.
